د دښمن په صف کې دومره نفوذ چې هغه دې د یو لوی مرکز د سقوط او د لسهاووتنو عسکرو د مرګ سبب شي پخپله د مجاهدینو د داعې په مؤثر والي، نظم او هوډ مندۍ باندي دلالت کوي
دغازې اباد په حمله کې مجاهدینوغوښتل چې ټول عسکر ژوندي ونیسي.
موږ د کورني مزدور دښمن په وړاندې په لومړي سر کې د مرګ طرف دار نه يو، که حقيقت درک کړي اود ځان او کورني د نجات په فکر کې شي مجاهدین به ورسره ښه چلند وکړي

داسلامي امارت ویاند ذبیح الله مجاهد

محترم مجاهدصاحب السلام علیکم ورحمة الله وبرکاته!

درې ورځې وړاندې دکنړ ولایت په غازي اباد ولسوالي کې داسلامي امارت مجاهدینو داجیرې اردو په یوه لوي پوځي مرکز پراخ وسلوال برید ترسره کړ چې په نتیجه کې یې ګڼ شمیر عسکر مړه او ژوبل شول او ۶تنه نور یې له ځان سره ژوندي یو و ړل.

په دې کامیابو عملیاتو کې چې دښمن ته د سر او مال دروند زیان واوښت،د کابل ادارې پوځي چارواکې سخت وارخطا کړي، اوس غواړي چې حملې ته بل رنګ ورکړي او داصلي صورتحال په بدلولو سره خپل شکست او ضعف له خلګو په پټ وساتي.

محترم ! که دغازې اباد دسترې حماسې په اړه دالاماره پاڼې له مراجعینو سره خپل معلومات شریک کړي اوزموږ لاندې پوښتنو ته ځواب ووایاست خوښ به سو.

(اداره)

۱-- دښمن ادعا کوي چې دغازي اباد حمله چې خورا قوي وه داسلامي امارت مجاهدینو نه ده کړې په دې کې دنورو استخباراتي کړیو لاس دي ستاسو معلومات څه دي په دې اړه، که دپيښې په اصلي حقیقت مو خبر کړي؟

ځواب ــ وعلیکم السلام ورحمة الله وبرکاته

هيله کوم عمران خلیل صاحب تاسو او ټول لوستلوال زما سلامونه او نيکې هيلې ومنئ!

راځم ستاسو دلومړۍ پوښتنې ځواب ته ، د دښمن ادعا او همدا راز لا هم مجاهدین کمزوري بلل بې له دې چې پخپل عقل باندي ملنډې ووهي بل څه نه دي، مجاهدينو پوره ديارلس کاله د ۴۹ په وسلو او تکنالوژي مجهزو هیوادو سره کلکه مقابل وکړه او له ماتې سره یې مخ کړل، نو دکابل ادارې يوه مرکز به څه شی وي چې مجاهدين ورنه عاجز وبلل شي؟

يو نهضت چې په ايماني وسله سمبال وي، زیات له دوو لسیزو د جګړو او جهاد تجربه ولري، بیا هم هغه کمزری بلل او لاسته راوړنې يې د بل چاپورې تړل، فکر کوم بې له دې چې ځانونه تير باسي بل څه نشو ورته ويلای.

جهاد په هيڅ ځای کې هم د استخباراتو کار نه ده، موږ شاهدان يو چې استخبارات ټول د امریکا په پلو ولاړ دي او د مجاهدينو په ضد په مختلفو ځایونو کې بیلا بیلې پروسې پرمخ وړي.

زموږ دمیړانې او تورې نتايج په پردو پورې نښلول زموږ په لنډ تاریخ کې دهر باطل او پردۍ پال جهت عادت ګرځيدلی او دا پروپاګند به بې له دې چې کومه مطلوبه نتیجه پرې مرتبه شي پخپله باطليږي اوحقايقو په تغير کې به هيڅ اثر نه لري.

د غازې آباد ولسوالۍ په شیرغچ سیمه کې د دښمن په مهم مرکز چې د (سونک په بیس)هم مشهور وو، عملیات د تقريبا ۵۰ تنو مجاهدینو لخوا ترسره شول.

له برید نه وړاندي د ياد مرکز ۴ تنه عسکر دمجاهدینو سره په تماس کې شوي وو او ژمنه يي کړې وه چې مجاهدینو ته به دمرکز په دننه کې د عملیاتو زمینه مساعده وي، همداسې وشول دوه ورځې وړاندې يې مجاهدينو ته د عملیاتو لپاره د ورتګ راپور ورکړ سملاسي ۵۰ تنه مجاهدين هم دبرید په موخه دسونک مرکز د نيولو لپاره تیار او سيمې ته ورسیدل.

د بريد پلان دا ووچې ۲۵ کسان به مرکز ته داخلیږي او ۲۵ کسان به په دفاعي حالت کې بهر سنګرونه نيسي او عملیات به ترسره کوي، همداسې وشول د قومندان غازي محمود هلمندي په مشرۍ ۲۵ کسيز ګروپ مرکز ته داخل شو او نورو مجاهدینو بهر سنګرونه ونيول، د مجاهدينو هیله داوه چې د بيس ټول عسکر ژوندي ونيسي او د مرکز د وسلو او مهماتو سره یې له ځانه سره يوسي، خو متأسفانه چې د بيس دننه عسکرو چې کله د مجاهدینو په داخليدو او دجنليټر په چالانولو باندي راويښ شول نو د تسليمۍ غږ ته يي اعتناء ونه کړه بلکی په مجاهدینو باندي يې ډزې پيل کړي، چې له ډزو سره سم مجاهدينو ته هم د اور امر وشو او په بيس کې دننه عسکر ټول په نښته کې ووژل شول.

په دغه نښته کې زموږ ۲ تنه مجاهدین چې يو په کې غازي محمود هلمندی وو هم شهیدان او۲ تنه ټپيان شول.

دیادونې ده چې غازي محمود هلمندی هغه عسکر وو چې دوه کاله وړاندي يې په همدې غازې آباد کې د امريکايي عسکرو په ضد عملیات ترسره کړل ګڼ شمیر يي قتل کړل او بیا په فاتحانه ډول د مجاهدینو سره يوځای شوي وو، نوموړی قهرمان مجاهد تر اوسه پورې په غازې اباد کې په جهاد بوخت وو او مجاهدينو لخوا دڅوتنو قومانده ورسپارل شوي وه، چې د سونک بیس په عملیاتو کې خپل وروستي هدف شهادت ته په بريالیتوب سره ورسید. تقبله الله

په شهیدانو کې ديوه شهيد جسدهم د دښمن په سیمه کې پاتې وو.

بايد هيره نه کړو چې دهغو رابطه درلودونکو عسکرو په وينا په بيس کې ۴۵ عسکر اوسیدل چې له هغه جملي نه ۴ تنه يي له مجاهدینو سره يوځای شول، ۲ تنه اسیران شول او ۲تنه نور په تيښته بريالی شوي دي، نور يو هم ژوندی نه ده پاتې بلکې ټول وژل شوي دي.

همدا راز د دښمن ۱۶ميله امریکايي وسله، ۲ قبضې راکيټ، ۳ ميله پيکا ماشيندار، يو پسلګد توپ،يوه پایه هوان غنيمت شوي او ډیر نور د مرکز مهمات او نظامي توکي سوزول شوي دي.

۲-- له حملې وروسته د دښمن امنیتي کړیوضد او نقیض راپورونه ورکړل، دکابل ادارې پوځي ویاند عظیمي وویل چې برید دیوې رابطې لمخې شوی، دکنړ والي دا خبر رد کړه او پړه یې په استخباراتو واچوله چې ولې یې تروخت مخکې معلومات نه دي ورکړي،څه وجه ده چې دښمن دې ډول څرګندونو ته مجبوريږي؟

ځواب ــ اصلي واقعه هغه څه وه چې ما تاسو ته پورته ذکر کړه، البته د دښمن سرسامي او ګډوډ افواهات د دې معنی لري چې دښمن په دغه بريد سره سخت ګوزار وخوړ، په عمومي شکل يې د ټولو عسکرو مورال او روحيه ځپل شوی، جنرالان او مشران يې هڅه کوي، کله يو خوا خوله واچوي او کله هم بل خوا، تورونه پورې کړي، مجاهدین بدنام کړي، لاسته راوړنې يې پردۍ وبولي، خو داسې بې تأثيره غورځې پرځې به يي هيڅ ګټه ورته ونه کړي، تاسو شاهد یاست چې نن د کابل ادارې په اصطلاح د دفاع وزارت وياند د نوي عملیاتو اعلان او په راتلونکو دريو مياشتو کې يې د مجاهدينو په ضد د غورځو پرځويادونه وکړه، په داسې حال کې چې موږ تیرکال د دښمن له پنجه شير نه رانيولي تر دمب روبا پورې ټول عملیات ولیدل، په هرځای کې له تلفاتو سره مخ شول، وځپل شول، فغان يي پورته شو، د لوګر په ازره کې علميات، د ننګرهار په حصارک کې په کراتو عملیات او سیمه له مجاهدينونه خالی کړې اعلانول، په هلمند کې علمیات چې بیايې غږ ورک شو، په بدخشان کې په ځلونو عملیات او تلفات لیدل، په شیرزادو او خوګياڼو کې عملیات او بیا له تلفاتو سره ځغاسته، د لوګر په برکی برک کې د عملیاتو اعلان او بیا نادرکه کيدل، د غور بند درې په مختلفو سیموکې زور ازیمول او بیا له تلفاتوسره تيښته او داسې نورې ګڼې ادعاګانې يې ټولې د مجاهدينو دغيرت او ايمان دارۍ له امله خنثی شوي، په داسې زار او سوليدلي حال کې د نورو علمیاتو خبره پخپله په يوډل د وارخطايي د کابو کولو معنی لري چې غواړي پاتي شوني عسکر او پولیس له لا زياتې سربدالۍ نه وژغوري او کاذب اميدونه ورکړي.

زموږ په اند هغو ټولو عسکرو او پولیسوته چې زموږ هيوادوال دي، دڅو پيسو لپاره خپل ژوند له امریکايي ګټو قربانوي او ځانونه په يوه حساس تاريخي پړاوکې په باطل پکت کې ثبتوي، خپل آخرت جنهم ګرځوي، خپل کور، مور او پلار په وير اخته کوي، خپله تورسرۍ او ماشومان بې سرپرسته کوي په کارده چې لږ په ګریوان کې سر ټيټ کړي، لږ له ځانه سره محاسبه وکړي، که نور په هيڅ نه پوهيږي د خپلو سیمو دیني عالمانوته دې رجوع وکړي او د حالاتو په اړه دي شرعي مسئله ترې وپوښتي، که نور هيڅ نه وي په هره ممکنه لاره چي وي د دښمن له صفه دي ووځي، خپل ژوند، اخرت او کورنۍ ته دې نجات ورکړي، د کابل د مفسدينو او د امریکايي يرغلګرو په قومانده نور هم خپله اينده خرابول په والله چې د افسوس وړ دي ، والله که مو پرې لوريږي چې دوزخ ته لاړشي ، بايد ځانونه نور په هلاکت کې وانچوي که په جګړه هم اخته کړل شول کولای شي د جګړې په ډګر کې له مجاهدينو سره تماس ونيسي او له ځانوڅخه لکه غازي محمود هلمندی غوندي غيرتي ، مسلمان او ريښتونی افغان عسکر جوړ کړي.

۳-- دکابل ادارې پوځي ویاندرسنیو ته ویلي چې دوي داسي اسناد په لاس کې لري چې په سلګونو پاکستاني.،عرب اوچیچنیایي مجاهدینو په برید کې برخه اخیستې وه دا خبره ترکومه ځایه حقیقت لري؟

ځواب ــ زه خپل ولس ته دا ویل غواړم چې کله مو هم د دښمن له خولې دغه ډول ضد او نقيض ويناوي اورېدې نو پوه شي چې دښمن هم وارخطا ده او هم غواړي په بې شرمۍ سره په خپلو ماتو او رسواييو پرده واچوي.

اوس داخبره د غلامانو د پيژندلو علامه ګرځيدلې چې خپله واوره په پردو بامونو غورځوي او د مجاهدینو لاسته راوړنې د بیلابیلو استخباراتي کړيو تر لکۍ پورې تړي، لا هم د مجاهدينو، نه تشخيص او ګردار يي نه پيژندل د بزدلي ترڅنګ د دښمن په پاخه جهالت هم دلالت کوي، ما مخکې يادونه وکړه چې د غازي آباد په بريد کې صرف ۵۰ مجاهدينو ګډون کړی وو، په هغو کې يوتن (شهيد غازي محمود) د هلمند ولايت مربوط وو نور ټول مجاهدين په خپله د غازې آباد ولسوالۍ او اکثره د سونک سیمې اړوند وو، نور د بلې ولسوالۍ يا بل ولایت يو مجاهد هم ورسره نه وو، داخبره خو پريږده چې دبل هیواد مجاهدینو يا هم خدای مکړه د کوم هیواد استخباراتو به په کې ونډه لرلي وي .

۴-- ددښمن چارواکې په تکرار سره په رسنیو کې داخبر کوي چې له طالبانو سره ددرې تنه داردو عسکر په تماس کې وو او دهغو په توسط دا کار شوی،غواړي چې په دې څرګندونو دمجاهدینو رول کم وښیې ایا داردو په عسکرو کې نفوذ خپله یوه بریا نده ؟

ځواب ــ د دښمن په صف کې دومره نفوذ چې هغه دې د یو لوی مرکز د سقوط او د لسهاووتنو عسکرو د مرګ سبب شي پخپله د مجاهدینو د داعې په مؤثر والي، نظم او هوډ مندۍ باندي دلالت کوي، اوس الحمدلله د مجاهدينو پيغام تر هرچا رسیدلی که د دښمن په صف کې دننه خلک حقائق درک کړي او له جهادي صف سره يوځای شي دا که له يوې خوا د راغلو عسکرو په ايماندارۍ او حقيقت پيژندنې باندې دلالت کوي ورسره د مجاهدينو په خورا فعال اوسیدلو او د دښمن په وړاندې له راز راز تکتيکونو نه په سالمه استفاده هم دلالت کوي.

موږ د کورني مزدور دښمن په وړاندې په لومړي سر کې د مرګ طرف دار نه يو، که د دښمن په صف کې خلک ولوکه په هره سویه او هرسیمه کې وي مخکې له دې چې په مسلح شکل د مجاهدينو سره د مقابلې لپاره را ووځي که حقيقت درک کړي اود ځان او کورني د نجات په فکر کې شي مجاهدین به ورسره ښه چلند وکړي او حقيقت ته په غاړه کيښودلو باندې به يي وستايي.

۵-- دبرید په مهال مجاهدینو له ځان سره څو تنه عسکر ژوندي بیولي دهغوي په اړه ستاسو معلومات څه دي اوس هم دمجاهدینو په لاس کې دي؟

ځواب ــ د برید نه وروسته ۶ تنه عسکر د مجاهدينو سره راغلي دي چې په هغو کې ۴ تنو يې له مجاهدينو سره مخکنی تماس درلود او ۲ تنه يې د جګړې په نتیجه کې اسيران شوي دي.